لاتستفز القلب والقلب مجروح ......

لاتستفز القلب والقلب مجروح ......

عزاه ياشوق يجي يوم ويروح
مدري وش الي حال دوني ودونه

الشوق جمرة تحرق القلب ويفوح
من حرها شفت العنا والمهونه

لاتستفز القلب والقلب مجروح
قلب ليا صديت زادت شطونه

لاقلت لي ببقى ولا قلت باروح
ارحم خفوق منك كثرت طعونه

ترا الجفا والصد مافيه مصلوح
هذا اللذي كل العواذل يبونه

العين تبكي والغلا صار مفضوح
والروح راحت من عناك مغبونه

والحال ناحل واعذب الصوت مبحوح
عزي لمن صارت عظامه تخونه

المعذرة ياشوق لوراحت الروح
مدام وصلك مقفيات مزونه

الموت لا جاء منك يازين مسموح
كان الغلا بالموت جهز كفونه

مادام عرق الوصل بالصد مذبوح
اصبر لشوق قلوبنا يدفنونه

واليا دفنت الشوق اكتب على اللوح
مرحوم ياقلب تهاوت ركونه

وافتح لبيبان العزا وانت مبيوح
واقبل عزا الي فيك خابت ظنونه

تحياتي ...لكم

اختكم ميمي ...... منقووووول

» كم انت عظيم ايها القلب
» دعوة للبكاء الذي يسعد القلب(البكاء راحة)